ஆசிரியர் பதவி நேர்காணலுக்கு சென்று சோகமாய்த்திரும்பிய என் பழைய மாணவர் ஒருவரின் கதை கேட்டு எழுதியது...

கனவா? காசா? (காசு, பணம், துட்டு, மனி..மனி...)

“கனவு காண்”- வாசகம் சுவாசமானது.

கனவு  காண தூக்கம் தவிர்த்தேன்  

கனவு பலிக்க தூக்கம் துறந்தேன்.

“நிலவைக்குறிவை நட்சத்திரம் கிட்டும்”

இதையும் செய்தேன்.

நிலவு கிடைக்கவில்லை.

நட்சத்திரம்  தட்டும்போல் இருந்தது --

பேராசிரியர்தான்  ஆகவேண்டும்…

பரவாயில்லை

பள்ளி ஆசிரியர் தேர்வுக்கு வந்தேன்…

கேள்வியோடு "இன்னொன்றும்" கேட்டார்கள்...

நட்சத்திரமும் நழுவிப்போனது !

கனவுச்சிறகுகள் கருக கண் விழித்தெழுந்தேன்...

அய்யய்யோ !!!

கனவு காண செலவிட்ட நேரத்தில்

கொஞ்சம் காசும் சேர்த்திருக்கலாமோ !